Um ENIC/NARIC

ENIC/NARIC skrifstofan sinnir akademísku mati á erlendu námi fyrir stofnanir, háskóla, ráðuneyti, einstaklinga og fyrirtæki.
Mat á starfsréttindum fer fram hjá mismunandi stofnunum, sjá frekari upplýsingar hér.

ENIC/NARIC Ísland tekur ekki ákvarðanir um mat á námi, heldur veitir leiðbeiningar og ráðgjöf þar um.

ENIC/NARIC Ísland starfar samkvæmt ákvæðum greinar IX.2. í Lissabonsamningnum um viðurkenningu á menntun og hæfi að því er varðar æðra skólastig á Evrópusvæðinu. (Lisbon, 11.IV.1997)

ENIC stendur fyrir European Network of Information Centers Evrópuráðsins og UNESCO. NARIC stendur fyrir National Academic Recognition Information Centers Evrópusambandsins.

ENIC/NARIC skrifstofur eru starfræktar í þeim löndum sem eiga aðild að samningnum og eiga þær með sér náið samstarf.

 

Verkefni ENIC/NARIC upplýsingaskrifstofunnar

Verkefni skrifstofunnar eru nánar tiltekið þessi:

    • Veita umsögn um mat á námi og prófgráðum í samræmi við þær matsaðferðir sem þróaðar hafa verið af NARIC og ENIC samstarfsnetunum.
    • Sjá einstaklingum, háskólum, vinnuveitendum, fagfélögum, yfirvöldum og öðrum hagsmunaaðilum fyrir áreiðanlegum og nákvæmum upplýsingum um prófgráður, menntakerfi og matsferli.
    • Vera meginupplýsingamiðstöð Íslands um prófgráður og mat á námi.
    • Starfa með öðrum upplýsingamiðstöðvum um tengd mál, háskólum, samtökum þeirra og öðrum hagsmunaaðilum á Íslandi.
    • Starfa með þeim yfirvöldum sem fara með mat á starfsréttindum í löggiltum starfsgreinum.
    • Stuðla að þróun æðri menntunar á Íslandi. Stuðla að þróun viðmiða um æðri menntun og prófgráður (qualification framework) fyrir Ísland.
    • Sjá erlendum aðilum, sérstaklega öðrum upplýsingastofum í ENIC og NARIC samstarfsnetinu, fyrir áreiðanlegum og nákvæmum upplýsingum um íslenska menntakerfið.
    • Vinna með ENIC og NARIC samstarfsnetunum að þróun viðmiða fyrir Evrópusvæði æðri menntunar (European Higher Education Area).
    • Taka þátt í útgáfu, könnunum, samanburðarathugunum og öðrum rannsóknum á mati náms á vegum framkvæmdanefndar ESB og annarra samtaka.
    • Þróa samstarf um akademískt mat náms við yfirvöld í löndum utan Evrópu.
    • Kynna starfsemi ENIC/NARIC samstarfsnetsins í löndum utan Evrópu.
    • Geta þátttöku íslensku ENIC/NARIC skrifstofunnar í ENIC og NARIC samstarfsnetunum í öllu útgefnu efni og í samskiptum vegna upplýsingastarfsins.

Samstarfsaðilar

 

NORRIC
Sameiginlegt vefsetur samstarfsnets ENIC/NARIC-skrifstofa, með ítarlegum upplýsingum um upplýsingaskrifstofur og matsaðila í hverju landi
NORRIC
Vefsetur með upplýsingum um norrænu ENIC/NARIC-skrifstofurnar og svæðisbundið samstarfsnet þeirra
🇬🇧
🇮🇸